Lan Arloak
Lankidetza, formakuntza, ikerketa eta dibulgazioa dira gure proiektuan garrantzia gehien duten eremuak.
Garapenerako lankidetza
Lankidetza arloan, bertako biztanleei arreta oftalmologikoko etengabeko zerbitzuak ematea da gure helburu nagusia. Horrez gain, eta bereziki, baliabide nahikorik ez duten herritarren begi osasuna zaintzeko lan egin nahi dugu, eta kataratak prebenitzeko ekintza planei heldu. Hain zuzen ere, katarak dira itsutasuna eragiten duen patologia nagusia. BLFk Bolivian eta Ekuadorren egiten du lan.
Hurrengo hauek dira BLFren lan jarraibideak:
- Oftalmologia unitateak eraiki eta hornitzea, herrialde bakoitzaren beharretara egokitutako ekipamendu eta tresnekin.
- Begi osasunaren arretarako zerbitzu iraunkorrak ematea.
- Kirurgiako aldizkako kanpainak.
- Prospekzio komunitarioa eta begi osasunaren sustapena.
- Tokiko oftalmologoen prestakuntza eta lider komunitarioen heziketa.
- Optika eta farmazia zerbitzuak ematea.
- Dibulgazio eta sentsibilizazio kanpainak.
formakuntza
Gure proiektuetan parte hartzen duten tokiko oftalmologoak prestatzea eta gaitzea da, batez ere, BLFren helburua.
Fundazioak irakaskuntzaren arloan definitu izan dituen estrategiak Boliviako eta Ekuadorko oftalmologoak trebatzera bideratuta daude, eta arlo hauetan aritzen dira batez ere:
- Oftalmologoak, laguntzaileak eta erizainak prestatzeko eta gaitzeko jarduerak garatzea, bakoitzak lan egiten duen herrialdean.
- Irakaskuntzako material teoriko eta praktikoa prestatzea, formakuntzaren kalitatea eta ikasketa programen edukiak bermatzeko.
- Hitzaldiak eta prestakuntza saioak antolatzea.
- Begi osasunaren prebentzioari eta higieneari buruzko ikastaroak garatzea.
- Gure herrialdeko zentro publiko zein pribatuetan prestakuntza egonaldiak egiteko bekak eskaintzea.
Ikerketa
Fundazioak oftalmologia arloko ikerketa proiektuetan hartzen du parte zenbait modu desberdinetan: finantzaketa, irismena eta edukiaren definizioa babesten ditu; informazioa ematen du; landa ikerketak egiten ditu; eta giza baliabide espezializatuekin lankidetzan aritzen da.
Zientzia dibulgazioa
Lan eremu horretan, fundazioak egindako jardueretan eskuratu eta garatu dituzten ezagutzen zabalkundea ziurtatzea edota erraztea du BLFk helburu. Horrela, eduki horiekin lan egiten duten komunitate zientifikoek, oftalmologia profesionalek, ikertzaileek, enpresek edota erakundeek informazio guztia eskura izango dute, eta, nola ez, begiko gaixotasunen prebentzio eta tratamenduan aktiboki lan egiten duten pertsonen mesedetan erabili ahalizango dute.